Utbrytarregion i Georgia skal halde folkeavstemming om å bli del av Russland

Leiinga i den georgiske utbrytarregionen Sør-Ossetia varslar at dei skal halde folkeavstemming om å bli ein del av Russland.

– Anatolij Bibilov har signert ei erklæring om å halde ei folkeavstemming i Republikken Sør-Ossetia, sa kontoret til Bibilov i ei fråsegn fredag. Han er leiaren i regionen.

Russland anerkjenner Sør-Ossetia, som ligg sør i Kaukasus, som ein uavhengig stat. Samtidig har Russland utplassert tusenvis av soldatar i regionen.

I mars sa Bibilov til russisk statleg TV at ei folkeavstemming er nødvendig for å kunne bli ein del av Russland.

Georgias utanriksminister David Zalkaliani har tidlegare avvist alle planar om folkeavstemming i regionen.

– Det er heilt uakseptabelt å snakke om noka form for folkeavstemming når territoriet er okkupert og ein okkupasjon er i gang, har han sagt.

(©NPK)

ANNONSE
Annonse
ANNONSE
Annonse