Vålerenga henta Shala

Vålerenga har styrkt stallen med midtbanemannen Herolind Shala (27) før den kommande eliteseriesesongen i fotball.

Vålerenga har styrkt stallen med midtbanemannen Herolind Shala (27) før den kommande eliteseriesesongen i fotball.

Den tidlegare Odd-spelaren var klubblaus etter å ha spelt siste del av 2018-sesongen for Start. Han underteikna måndag ein toårskontrakt med VIF.

- Herolind er ein særs fleksibel offensiv spelar som med evnene sine kan passe i fleire roller hos oss. Vi har ønskt oss fleire spelarar med målpoeng, og det har vi fått her. Det blir spennande å sjå han i blå drakt, seier sportsleg leiar Jørgen Ingebrigtsen i Vålerenga til nettstaden til klubben.

Shala seier han er teken godt imot av dei nye lagkameratane sine på trening. Den tidlegare norske U-landslagsspelaren, som no spelar landslagsfotball for Kosovo, er optimist og har ambisjonar om å vinne titlar med Vålerenga.

- Vålerenga er ein stor klubb som har ambisjonar, og det har eg som speler òg. Eg ønsker å vere med på å vinne noko, og det har eg veldig tru på at vi kan gjere, seier han.

Vålerengas førre tittel er NM-gullet frå 2008. Klubben vann eliteserien i 2005.

(©NPK)

Herolind Shala skal spele for Vålerenga dei neste to sesongane.
Foto: Tor Erik Schrøder / NTB scanpix

ANNONSE
Annonse