Valet i Haiti blir utsett på ubestemd tid
Valet som skulle haldast i Haiti i november, er utsett på ubestemd tid, seier statsminister Ariel Henry.
Årsaka er at statsministeren har sparka alle dei ni personane i valnemnda i landet. Han seier at nye medlemmer skal utnemnast, men ikkje når.
Nemnda vart utnemnd i juli av president Jovenel Möise, som vart drepen i eit attentat natt til 7. juli.
Etter attentatet utsette nemnda valet og ei folkeavstemming om grunnlova i landet frå 26. september til 7. november.
Henry lova for ein månad sidan at det ville bli halde val «så snart som mogleg», trass politisk uro etter attentatet og det store jordskjelvet i Haiti i august, der meir enn 2.200 menneske mista livet.
Landet har ikkje hatt folkevald nasjonalforsamling sidan januar i fjor, etter at valet i oktober 2019 vart avlyst, delvis som følgje av omfattande protestar mot Moïse.
(©NPK)
Valet i Haiti blir utsett på ubestemt tid, seier statsminister Ariel Henry. Foto: Joseph Odelyn / AP / NTB
