Vega frå Brann til Vålerenga
Deyver Vega har skrive under ein treårskontrakt med Vålerenga.
26-åringen frå Costa Rica forlèt Brann og Bergen, og angrepsspelaren er allereie på plass i Oslo.
Vega kom til Brann før 2016-sesongen og scora 13 mål på 56 kampar for klubben, melder Vålerenga på nettsidene sine.
- Eg er veldig glad for å få denne moglegheita og gler meg stort til å spele for Vålerenga. Eg er klar for å ta denne klubben opp dit han høyrer heime, seier Vega.
(©NPK)
Deyver Vega i aksjon for Brann i eliteserien. Costaricanaren signerte torsdag treårskontrakt med Vålerenga. Foto: Marit Hommedal / NTB scanpix