VG: Layouni på veg til Vålerenga
Den tunisiske landslagsspelaren Amor Layouni (28) skal ifølgje VG vere klar for Vålerenga og vender tilbake til norsk fotball frå Egypt.
Amor Layouni som spelte for Bodø/Glimt i 2019-sesongen, skal ifølgje avisa komme til Oslo måndag og bli presentert som Vålerenga-spelar om kort tid. Ein må derimot ta omsyn til gjeldande norske koronareglar.
Prosessen med å signere venstrevingen har vore både komplisert og langvarig. Først måtte svensk-tunisiaren bli samd med den egyptiske klubben sin Pyramids om ein sluttpakke. Dette skal no vere i orden.
I tillegg til dette måtte Vålerenga betale Pyramids ein overgangssum. Ifølgje VGs opplysningar betaler VIF rundt tre millionar kroner.
(©NPK)
Amor Layouni er på veg til Oslo og Vålerenga etter spel i egyptiske Pyramids. Foto: Mats Torbergsen / NTB
