Von der Leyen: EU må førebu seg på null russisk gass

EU-kommisjonens president Ursula von der Leyen ber dei 27 EU-landa finne alternativ til det som ser ut til å bli eit fullstendig kutt frå russisk gass.

EU har innført ei rekkje sanksjonar mot Russland i kjølvatnet av krigen i Ukraina og jobbar mot å bli mindre avhengig av russisk gass.

Det vil ta tid, men von der Leyen ber no EU-landa vere førebudde på «sjokkgrep» frå Russland.

– Vi må no førebu oss for ytterlegare brot i gassforsyninga, og til og med eit fullstendig kutt av russisk gassforsyning, sa ho til EU-parlamentet onsdag.

(©NPK)

EU-kommisjonens president Ursula von der Leyen årvarar EU-landa mot det som kan bli eit fullstendig kutt av russisk gass innan kort tid. Foto: Jean-François Badias / AP / NTB

Annonse
Annonse