Nordre

ANNONSE
Annonse

Vonn varslar karriereslutt

Den amerikanske stjernealpinisten Lindsey Vonn gir seg sjølv éin sesong til på å slå Ingemar Stenmarks rekord i talet på verdscupsigrar.

Vonn, som har tre OL-medaljar på merittlista, står med 82 sigrar i verdscupen i karrieren. Den svenske legenda Stenmark enda på 86.

- Skulle eg klare å slå rekorden, er det ein draum som går i oppfylling, sa Vonn til NBC Sports torsdag.

- Klarer eg det ikkje, har eg uansett hatt ei utruleg suksessrik karriere. Eg er den mestvinnande kvinnelege alpinisten gjennom alle tider, la ho til.

Neste torsdag fyller Vonn 34 år. Etter OL i Pyeongchang i februar sa den skadeplaga veteranen at ho ikkje kom til å gi seg før Stenmark-rekorden var slått «uansett kor mykje smerte ho måtte føle på». No ser bildet litt annleis ut.

- Fysisk sett har det no komme til eit punkt der det ikkje gir meining å fortsette lenger. Eg ønsker verkeleg å kunne vere aktiv når eg blir eldre, så eg må tenkje framtida og ikkje berre fokusere på det som er rett framfor meg, sa Vonn torsdag.

Veteranen gir seg dermed etter kommande sesong.

(©NPK)

Lindsey Vonn avsluttar karrieren etter inneverande sesong. Foto: Lise Åserud / NTB scanpix

ANNONSE
Annonse
ANNONSE
Annonse