WADA har overlevert over 110.000 filer frå russisk laboratorium
Det internasjonale antidopingbyrået (WADA) har gitt vidare meir enn 110.000 datafiler til disiplinærkomiteen for friidrett. Nye dopingavsløringar kan komme.
Det internasjonale antidopingbyrået (WADA) har gitt vidare meir enn 110.000 datafiler til disiplinærkomiteen for friidrett. Nye dopingavsløringar kan komme.
Filene stammar frå det russiske dopinglaboratoriet i Moskva som WADA fekk tilgang til januar etter at WADAs frist overfor russiske styresmakter eigentleg gjekk ut ved nyttår.
Russland er stengd ute av det internasjonale friidrettsforbundet (WA), men i januar fekk WADA endeleg tilgang til lokala til Moskva-laboratoriet. Der vart det gjort beslag av mellom anna datafiler og lagra dopingprøver.
Dermed kan det komme nye dopingavsløringar når disiplinærkomiteen no skal gå gjennom den store datamengda.
Russland prøver å komme tilbake som fullverdig medlem i WA for at utøvarane i landet kan delta under russiske flagg i VM i Qatar i september og oktober.
No kan russiske utøvarar, som har vore gjennom omfattande testing og godkjenning av WA, få delta på friidrettsbana som uavhengige utøvarar.
(©NPK)
