Nordre

Warholm møter verdsmeisteren på heimebane

Karsten Warholm (22) har skaffa seg sterkast mogleg motstand når han inviterer til stemne heime i Ulsteinvik 25. januar.

Karsten Warholm (22) har skaffa seg sterkast mogleg motstand når han inviterer til stemne heime i Ulsteinvik 25. januar.

Der skal Dimna-løparen prøve å tukte Pavel Maslák. Tsjekkaren er regjerande og trippel verdsmeister på 400 meter innandørs.

- Eg har ekstremt lyst til å vinne mot verdsmeisteren heime i Ulsteinvik, seier Warholm i ei pressemelding.

Warholm drog rett på treningsleir på Tenerife etter å ha fått prisen som Årets forbilde på Idrettsgallaen sist laurdag.

- Vi kunne knapt kunne funne betre motstand, og det er stor fallhøgde. Men det er slik vi likar det. Ikkje noko er som å ta den hardaste utfordringa. Berre tanken på ein siger mot han som blir rekna som gud på 400 meter innandørs, er motiverande i seg sjølv, seier Warholm.

Tsjekkaren har vunne 400-meteren under innendørs-VM i 2014, 2016 og no sist i 2018. Han har sprunge 45,24 på distansen innandørs. Det er 0,35 sekund raskare enn Warholms norske rekord innandørs.

I stemnet på Sunnmøre er målet å slå Maslak og samtidig setje norsk rekord.

Karoline Bjerkeli Grøvdal, Amalie Iuel og Hedda Hynne er andre norske toppløparar som skal i aksjon i Ulsteinvik.

(©NPK)

Nye utfordringar ventar for Årets forbilde på Idrettsgallaen i Stavanger sist laurdag. Foto: Carina Johansen / NTB scanpix / NPK

ANNONSE
Annonse
ANNONSE
Annonse