Wenche Myhre døypte ny redningsskøyte

Den nye skøyta til Redningsselskapet vart døypt av gudmor Wenche Myhre i Oslo fredag. Dåpen skjedde standsmessig på sjølvaste Honnørbrygga.

Den nye redningsskøyta er den tredje gitt av Odd Fellow Ordenen i Noreg og er ei topp moderne redningsskøyte i Ulstein-klassa. Prislappen ligg i overkant av 40 millionar kroner.

- Allereie som elleveåring laga eg og venninna min show til inntekt for Redningsselskapet. Eg steppa og ho dansa indisk dans med grønt hår, hugsar eg. Sidan har eg levd på og ved sjøen nesten heile livet, seier Wenche Myhre.

Odd Fellow III er 22 meter lang (72 føter) og har ein toppfart på 38 knop. Skøyta skal betenast av eit mannskap på tre, og han vil alltid ha dykkar om bord.

Skøyta skal stasjonerast i Bodø.

(©NPK)

Redningsskøyta Odd Fellow III på Honnørbrygga i Oslo fredag. Det nyaste tilskotet til flåten av redningsskøyter i heile landet får Bodø som heimehamn. Foto: Gorm Kallestad / NTB scanpix

Wenche Myhre døypte redningsskøyta Odd Fellow III på Honnørbrygga i Oslo fredag. Foto: Gorm Kallestad / NTB scanpix

Annonse
Annonse