WHO: Kina-viruset er inga global krise
Verdshelseorganisasjonen (WHO) seier det førebels ikkje er grunn til å erklære ei global helsekrise som følgje av utbrotet av det kinesiske coronaviruset.
WHO heldt torsdag ein pressekonferanse etter at krisekomiteen i organisasjonen har drøfta situasjonen over to dagar.
Sjølv om det ikkje blir erklært global krise, oppmodar likevel WHO alle land om å vere i beredskap.
Til no er 18 menneske døde i Kina, og det er påvist over 600 smittetilfelle. Kina har isolert fem byar i landet i eit forsøk på å få kontroll over smitten.
(©NPK)