Zidane ville ikkje snakke om superliga-stormen
Real Madrid-trenar Zinédine Zidane avviste blankt å lufte eigne tankar rundt den nye europeiske superligaen i fotball då han møtte pressa tysdag.
Zidane stilte til mediemøte føre ligamøtet på onsdag med Cádiz. Ikkje overraskande kom det likevel raskt spørsmål om superligaplanane som har skapt store overskrifter og krass kritikk dei siste dagane.
Real Madrid er blant dei tolv storklubbane som står bak prosjektet.
– Superligaen? Det er ei sak for presidenten. Eg er her for å snakke om kampen i morgon, sa Zidane.
Deretter avviste han at dei omstridde planane har vore tema blant spelarane hans.
– I garderoben har det ikkje vorte sagt noko om superligaen. Null. Vi snakkar om morgondags kamp, resten kan vi ikkje kontrollere, sa Real Madrid-trenaren.
Deretter gjentok han igjen at han ikkje kom til å røpe eigne tankar rundt nyvinninga.
– Dei kan skrive at Zidane ikkje vi involvere seg, og det er sanninga, sa franskmannen.
(©NPK)
Zinedine Zidane var tysdag tyst om superliga-planane. Foto: Bernat Armangue / AP / NTB
