50 funne døde etter båtforlis i Kongo
Minst 50 menneske har mista livet i ei båtulykke nordvest i Kongo, opplyser lokale styresmakter.
Ulykka skjedde i Momboyo-elva onsdag kveld, opplyser viseguvernøren i Tshuapa-provinsen.
- Vi fann 49 døde torsdag, og éin i dag tidleg, seier viseguvernør Richard Mboyo fredag.
Båten frakta passasjerar og varer frå småbyen Monkoto til den større byen Mbandaka i provinsen Equateur, ifølgje lokale innbyggjarar.
- Årsaka til forliset, og talet på menneske som er sakna, er framleis ukjent. Provinsguvernøren har sendt eit team for å finne ut meir, seier Mboyo.
Han legg til at båten seglde på elva om natta og utan lys, noko som er i strid med trafikkreguleringane i Kongo.
Alvorlege ulykker skjer relativt ofte i Kongo, der elvar og innsjøar utgjer viktige transportruter. Dei høge dødstala blir forklart med skrøpelege og overfylte båtar, mangel på sikkerheitsutstyr og manglande svømmeferdigheiter.
(©NPK)
