Børsen avslutta veka med oppgang
Hovudindeksen ved Oslo Børs steig fredag 1,2 prosent, til 881,72 poeng. Det var likevel langt frå nok til å vege opp for nedgangen tidlegare i veka.
På ei veke har hovudindeksen falle 1,5 prosent.
Fredag var som vanleg Equinor, tidlegare Statoil, desidert mest omsett, og aksjen styrkte seg 2,5 prosent. Oppover gjekk det også for andre oljerelaterte selskap som TGS-Nopec (+4,2), Subsea 7 (+4,8) og Aker BP (+4,1), og for Telenor (+0,9) og DNB (+0,7).
I motsett retning trekte blant anna Yara International (-1,2) og Ekornes (-0,3).
Også ved dei leiande børsane i Europa gjekk det oppover. I London steig FTSE 100-indeksen 1,5 prosent. CAC 40-indeksen i Paris styrkte seg 1,2 prosent. Noko meir dempa var stemninga i Frankfurt, der DAX 30-indeksen gjekk opp 0,1 prosent.
Prisen på nordsjøolje var fredag ettermiddag på veg oppover, og eit fat blei omsett for 74,76 dollar.
(©NPK)
Det siste året har hovudindeksen ved Oslo Børs styrkte seg drygt 25 prosent. Illustrasjonsfoto: Erik Johansen / NTB scanpix
