Flyvrak funne av iranske soldatar
Soldatar frå den iranske revolusjonsgarden har funne vraket etter flyet som styrta i dei iranske Zargos-fjella søndag, opplyser ein iransk talsmann.
Redningsmannskap frå Raude Halvmåne vil no begynne arbeidet på ulykkesstaden, opplyste talsmannen til nyheitsbyrået Isna tysdag.
Også måndag kom det meldingar om at flyvraket var funne, men dei vart tilbakevist.
Passasjerflyet styrta i fjellområdet sørvest i Iran etter å ha tatt av frå Teheran søndag morgon. Det var minst 65 personar om bord på flyet, og ein reknar med at alle har omkomme.
Propellflyet av typen ATR 72 var frå flyselskapet Aseman Airlines.
(©NPK)
