Gjengangeren kuttar talet på utgjevingsdagar
Lokalavisa Gjengangeren i Horten skal satse meir på digitalt innhald, og går derfor ned frå seks til fire papiravisdagar i veka.
Vedtaket vart fatta av styret i avisa førre veke. Redaktør og dagleg leiar Audun Bårdseth seier årsaka til endringa er at avisa ønsker å tilpasse seg endra vanar blant lesarane.
- Vi gjer dette for å frigjere redaksjonelle ressursar til å jobbe med å levere meir og betre redaksjonelt innhald, seier Bårdseth.
Av dei drygt 6.300 abonnentane på avisa er rundt 1.500 berre abonnentar på digitale plattformer. Bårdseth understrekar at dei som føretrekkjer papir, ikkje vil gå glipp av noko - alle nyheiter blir nemleg publiserte i papirutgåva.
(©NPK)
