Isbjørn til Haugen
Ishockeykeeper Lars Haugen fekk fredag det synlege beviset på at han har passert 50 OL- og VM-kampar for Noreg.
Prisen, ein isbjørnstatuett, fekk Haugen før landskampen mot Frankrike på Hamar OL-amfi. Ferjestad-proffen er frisk igjen etter å ha vore magesjuk, men starta på benken mot franskmennene.
Haugen runda 50 kampar mot Sveits i VM i mai, og i alt er han oppe i 54 offisielle landskampar. Isbjørnen blei delt ut på Hamar fordi det er første landskamp på norsk jord der Haugen tar del sidan han nådde milepælen.
Norges Ishockeyforbund tel berre OL- og VM-kampar som offisielle landskampar.
(©NPK)
Lars Haugen fekk «Isbjørnen» av ishockeypresident Gerhard Nilsen for å ha passert 50 offisielle VM- og OL- kampar før kampen fredag mellom Noreg og Frankrike.
Foto: Fredrik Hagen / NTB scanpix
