Pentagon ryddar plass til internerte barn

Militærleirane skal brukast som interneringsleirar for barn som tar seg ulovleg over grensa frå Mexico, enten åleine eller saman med foreldre og føresette som blir arresterte og sette i varetekt.

President Donald Trump har ikkje fått gjennomslag i Kongressen for sitt krav om skjerpa grensekontroll, og republikanarane er djupt splitta i synet på mål og metodar.

Pentagons talsmann Jamie Davis bekreftar at det amerikanske forsvaret har fått ein førespurnad frå helsedepartementet om å stille leirar til disposisjon alt frå juli av.

Militærleirane skal i første omgang fungere som mellombelse interneringsleirar for barn ut året, og dei skal drivast av helsepersonell.

(©NPK)

Tusenvis av mindreårige som har kryssa grensa frå Mexico, enten åleine eller saman med foreldre, blir haldne innesperra i interneringsleirar som denne i Tornillo i Texas. Foto: AP / NTB scanpix