Person omkom i trafikkulykke i Arendal
Ein person omkom i ein kollisjon mellom ein personbil og ein traktor i Arendal fredag ettermiddag.
Ulykka skjedde på Rykene like før klokka 14.30, og det blei raskt klart at ein person som sat i personbilen, hadde omkomme i kollisjonen.
Det er ifølgje politiet i Agder ein familierelasjon mellom dei involverte, og både familie og pårørande fekk fredag oppfølging av helsepersonell og kriseteam i kommunen.
Politiets kriminalteknikarar og Vegvesenets ulykkesgruppe gjorde fredag ettermiddag åstadgransking. Årsaka til kollisjonen er ikkje kjent.
(©NPK)
Ein person er stadfesta omkommen etter ein kollisjon i Arendal, opplyser politiet.
Illustrasjonsfoto: Terje Pedersen / NTB scanpix
