27 år gammal basketballspelar døydde på trening
Den nigerianske basketballspelaren Michael Ojo fall om og døydde under ei trening i Serbia fredag.
Det melder hans tidlegare klubb Raude Stjerne på sitt nettstad.
– Med stor sorg informerer vi at vår tidlegare speler Michael Ojo gjekk plutseleg bort i ein alder av 27 år i Beograd.
Dødsårsaka er enno ikkje stadfesta, men lokale medium i Tyrkia melder at det skal ha vore hjarteproblem som forårsaka dødsfallet.
Den 216 centimeter lange spelaren har òg spelt basketball på college i USA for Florida State Seminols, men vart ikkje valt i NBA-draften i 2017.
Han spelte i Raude Stjerne frå 2018 til kontrakten hans gjekk ut 30. juni. Ojo trena individuelt då han plutseleg fall om.
Raude Stjerne beskriv han som ein populær spelar blant både spelarar og fans.
– På to sesongar, iført Røde Stjerne-drakta med nummer 50, vann han hjarta til alle spelarane våre og velmeinande basketballfans i landet vårt.
(©NPK)
Michael Ojo fall om og døde fredag. Her i aksjon i kvit Røde Stjerne-drakt. Foto: Darko Vojinovic / AP / NTB scanpix
