32 nye koronasmitta i Drammen
32 personar busette i Drammen kommune har det siste døgnet fått påvist koronasmitte.
27 av dei smitta er nærkontaktar av tidlegare påviste tilfelle, éin har fått påvist koronasmitte etter å ha komme heim til Noreg frå utanlandsreise, medan fire har ukjend smitteveg, opplyser Drammen kommune på nettsidene sine.
Dei sju siste dagane er det påvist 229 nye koronatilfelle, noko som gir eit snitt per dag på mellom 32 og 33 tilfelle.
I det siste døgnet er det påvist koronasmitte ved fem skular der andre elevar og tilsette blir ramma i form av at dei må i karantene.
Sidan mars har 1.522 personar i Drammen fått påvist koronasmitte.
(©NPK)
32 personar som er busett i Drammen kommune har fått påvist koronasmitte det siste døgnet. Foto: Lise Åserud / NTB
