381 fleire med koronavirus er døde i Storbritannia
381 personar er døde i Storbritannia det siste døgnet etter å ha fått påvist koronasmitte. Dermed er nærare 1.800 personar døde.
– Fram til klokka 9 den 31. mars hadde til saman 143.186 personar vorte testa. 25.150 av dei har testa positivt, opplyste helsedepartementet i London på Twitter tysdag ettermiddag.
– Fram til klokka 17 den 30. mars viste tala at 1.789 av dei som har vore lagde inn på britiske sjukehus, er døde, opplyste departementet vidare.
Alderen på dei døde er mellom 19 og 98 år. Alle så nær som 28 pasientar hadde underliggjande helseproblem, opplyser NHS England.
(©NPK)
