Agüero mistar FA-cupsemifinalen
Sergio Agüero blir ikkje å sjå under semifinalen i FA-cupen mot Chelsea laurdag, opplyser Manchester City-manager Pep Guardiola.
Den argentinske spissen har ikkje vore på banen for City i dei tre siste kampane. Ein muskelskade har halde han på sidelinja, og det er den siste av ei lang rekkje med skadar måltjuven har pådrege seg i sin siste sesong for klubben.
– Ikkje enno, var Guardiolas korte svar på pressekonferansen på fredag om Agüero blir klar.
Dei lyseblå har ingen andre store skadar før kampen mot Chelsea. Onsdag tok dei seg vidare til semifinalen i meisterligaen til fordel for Erling Haaland og Borussia Dortmund.
– Dei er OK. Dei er slitne, men OK, sa Guardiola.
Semifinalen blir spelt laurdag klokka 18.30.
(©NPK)
Sergio Agüero er Pep Guardiolas einaste skadebekymring før Manchester Citys semifinale i FA-cupen mot Chelsea laurdag. Foto: Rui Vieira / AP / NTB
