Alex Jones erklærer seg konkurs etter Sandy Hook-dom
Konspirasjonsteoretikaren Alex Jones har erklært seg konkurs etter at han vart dømd til å betale 1 milliard dollar i erstatning til Sandy Hook-offera.
Jones søkte om konkursvern hos skifteretten i Houston etter at både han og selskapet bak nettstaden han driv, Infowars, vart dømd til den gigantiske erstatningssummen.
Fredag har han kravd seg konkurs, skriv Reuters.
Tidlegare i november vart Jones og selskapet hans dømt til å betale 473 millionar dollar til familien til offera og ein FBI-agent for å ha kalla skuleskytinga falsk. Summen kjem i tillegg til erstatninga på knapt 1 milliard dollar han vart dømd til tidlegare i haust.
Jones påstod fleire gonger at massakren som tok livet av 20 førsteklassingar og seks lærarar, ikkje fann stad, men var iscenesett av skodespelarar i eit forsøk på å få strengare våpenlover.
(©NPK)
Konspirasjonsteoretikaren Alex Jones, som grunnla nettsida Infowars, har erklært seg konkurs. Foto: AP / NTB