Andy Murray vidare med Storbritannia i Davis Cup
Skotten Andy Murray gjorde comeback i Davis Cup onsdag og bidrog til å sende Storbritannia til kvartfinalen med siger over Nederland. USA er slått ut.
Murray har ikkje deltatt i Davis Cup sidan 2016. Onsdag vann skotten i tre sett over Tallon Griekspoor og sørgde dermed for at Storbritannia er vidare til utslagsrunden i 2019-utgåva av Davis Cup.
Rafael Nadal og Novak Djokovic sørgde òg for at høvesvis Spania og Serbia er vidare til kvartfinale. Spania eliminerte regjerande Davis Cup-meister Kroatia, medan Serbia slo Japan.
Australia vann gruppa si og er kvalifisert for finalespel etter at urokråka Nick Kyrgios vann kampen sin i to strake sett over belgiaren Steve Darcis.
Trass i siger i doublekampen mot Italia, klarte ikkje det amerikanske laget å kvalifisere seg for finalerunden.
(©NPK)
Andy Murray gjorde comeback i Davis Cup onsdag og var med på å sende Storbritannia vidare til kvartfinalen. Foto: AP / Bernat Armangue / NTB scanpix