Barnier bekreftar at irskegrensa kan senke brexitavtalen
EUs sjefforhandlar Michel Barnier bekreftar at det vanskelege spørsmålet om irskegrensa kan føre til at forhandlingane om ein brexitavtale havarerer.
- Svaret er ja, sa Barnier då radiokanalen France Inter spurde han om saka.
- Eg meiner vi treng ein avtale. Men eg er framleis ikkje sikker på om vi vil få det. Det er vanskeleg, men mogleg, fortsette Barnier.
Grensa mellom Irland og Nord-Irland blir Storbritannias landegrense mot EU etter brexit. Men av omsyn til fredsprosessen i Nord-Irland blir det rekna som avgjerande å finne løysingar som sikrar at det ikkje kjem nye grensehinder.
(©NPK)
Michel Barnier leier EUs delegasjon til forhandlingane med Storbritannia om ein skilsmisseavtale. Foto: Francisco Seco / AP / NTB scanpix
