Børsen avslutta veka med fall

Equinor var mest omsett, men gjekk ned 0,9 prosent til 193,50 kroner. Nest mest omsett var DNB, som gjekk ned 2,2 prosent. Telenor var tredje mest omsett og fall 2,6 prosent.

Norwegian Air Shuttle vart dagsvinnaren blant dei meste omsette selskapa, med ein oppgang på 0,2 prosent. NEL gjorde det dårlegast, med ein tilbakegang på 4,1 prosent.

Råvarer ned

Råvaresektoren utmerkte seg mest i negativ retning og enda ned 2,5 prosent. På ein dårleg dag for alle sektorar var det IT-sektoren som fall minst. Nedgangen vart på 0,4 prosent.

Prisen på nordsjøolje gjekk ned 1,44 dollar til 66,42 dollar per fat fredag ettermiddag. Eit fat amerikansk lettolje (WTI) blir handla for 58,49 dollar. Det gir ein nedgang på 1,49 dollar.

Fredag svekte krona seg med 0,3 prosent mot euro, og 1 euro kostar no 9,64 kroner. Krona svekte seg med 1 prosent mot amerikanske dollar, noko som betyr at 1 dollar kostar 8,53 kroner. Denne veka har krona stige 0,5 prosent mot euroen og 0,4 prosent mot dollaren.

Dårleg start i USA

Wall Street hadde ein negativ start på dagen. Rundt klokka 17.30 var den toneangivande indeksen Standard Poor & 500 ned 1,6 prosent, medan industriindeksen Dow Jones hadde falle 1,5 prosent. Den teknologitunge Nasdaq-indeksen fall 2 prosent dei første timane.

For dei viktigaste børsane i Europa vart det ein svak dag. I Frankfurt fall den tyske DAX-indeksen med 1,4 prosent, medan indeksen CAC 40 i Paris fall 2 prosent. Ved 17.30-tida låg Londons FTSE 100-indeks an til å falle 2 prosent.

I Asia stengde Nikkei-indeksen i Japan opp 0,1 prosent. Også Hang Seng-indeksen i Hongkong enda med ein vekst på 0,1 prosent.

(©NPK)

Den siste veka har hovudindeksen ved Oslo Børs falle 0,8 prosent. Illustrasjonsfoto: Håkon Mosvold Larsen / NTB scanpix