Britane kjøpte 25 prosent meir tysk øl i 2020
Med pubane stengde måtte britane ty til butikkøl i 2020. Dermed auka salet av tysk øl, som ikkje er like vanleg på pubane, med 25 prosent.
Totalt vart 69,9 millionar liter tysk øl selt i Storbritannia i fjor.
Importen har vore jamt stigande i fleire år, men auken har ikkje tidlegare vore så kraftig. I 2015 vart 40,9 millionar liter importert frå Tyskland.
Salet av alkoholfritt tysk øl gekk derimot noko ned frå 16,9 millionar liter til 15,1 millionar liter. Likevel står alkoholfritt øl for 18 prosent av all importert øl frå Tyskland til Storbritannia. På verdsbasis er berre 6 prosent av tysk øleksport alkoholfri.
(©NPK)
Eit år med stengde pubar sette fart på importen av tysk øl til Storbritannia. 12. april opna pubane igjen. Foto: Frank Augstein / AP / NTB
