Delta med gigantbestilling frå Boeing

Det amerikanske flyselskapet Delta har kunngjort at det bestiller hundre 737 Max 10-fly frå USAs tidlegare kriseramma flyprodusent Boeing.

Ordren er verd 13,5 milliardar dollar – tilsvarande 136 milliardar kroner med dagens kurs. Delta har også lagt inn opsjonar på 30 fly til.

Max 10 er den førebelse siste og største versjonen av Boeings 737-modell, som tidlegare har vore involvert i to flystyrtar som til saman kravde 346 liv.

Alle 737 Max-flya vart sette på bakken etter den siste ulykka i 2019, då eit fly frå Ethiopian Airlines styrta på veg frå Etiopia til Kenya.

Max 10 er enno ikkje godkjent av amerikanske luftfartsstyresmakter.

(©NPK)

ANNONSE
Annonse