DN: Wizz Air-pilotar kan seiast opp på dagen
Pilotane i Wizz Air må betale sjukepengar sjølv, ifølgje kontraktar Dagens Næringsliv sit på. Det ungarske flyselskapet vil ikkje kommentere opplysningane.
Wizz Air har engasjert ein stor del av personalet gjennom det nederlandske firmaet Confair, skriv avisa.
Mellom anna er pilotane er engasjerte som sjølvstendig næringsdrivande. Dei har då sjølv ansvar for å betale skatt og sosiale kostnader som pensjon, forsikringar og sjukepengar.
Pilotane får ifølgje avisa betaling per flytime, noko som gir mellom 0 euro og 8.500 euro i månaden. I tillegg får besetninga i Noreg dekt hotell og 50 euro i diettpengar dagleg.
Confair har rett til å seie opp kontrakten med omgåande verknad utan åtvaring på førehand. Ein eventuell tvist skal løysast gjennom valdgift i Nederland, og dermed i eit lukka møte og utan ankemoglegheit, skriv DN. Det heiter òg at Confair har rett til å seie opp kontrakten med omgåande verknad og utan åtvaring på førehand.
Wizz Airs kommunikasjonssjef Andras Rado seier til DN at kontraktane har sensitiv informasjon og ikkje vil bli delte eller imøtegått i detalj. Han vil ikkje kommentere kor mange med slike kontraktar som jobbar her i landet i dag eller kor mange som er direktetilsette i selskapet.
– Fordelinga i tilsetjingskontraktane våre er å sjå på som kommersielt sensitiv informasjon, og derfor kan vi ikkje dele slike detaljar, skriv Rado.
(©NPK)
Eit Wizz Air-fly tar av frå Oslo lufthamn. Foto: Ole Berg-Rusten / NTB
