Facebook innrømmer å ha lagra ukrypterte brukarpassord
Facebook innrømmer at selskapet har lagra ukrypterte passord frå brukarane på sin eigen servar.
Det melder nyheitsbyrået AFP. Nettstaden KrebsonSecurity skreiv torsdag at passorda til fleire hundre millionar Facebook-brukarar blei lagra i ein servar som var søkbar for tusenvis av tilsette hos mediegiganten.
Facebook seier til nettstaden at ei gransking som går føre seg så langt ikkje har gitt nokon indikasjon på at dei tilsette har misbrukt tilgangen til slik informasjon.
(©NPK)
