Filippinsk journalist sett fri
Den filippinske journalisten som vart arrestert for ærekrenkingar, er sett fri mot kausjon.
Maria Ressa forlét torsdag ein domstol i Manila etter å ha vorte arrestert onsdag.
Ressa er kjent for kritisk dekning av president Rodrigo Dutertes regjering og var blant journalistane som Time Magazine kåra til Årets person i fjor.
Journalisten vart arrestert på kontoret sitt i Manila onsdag. Siktinga, som omhandlar ærekrenkingar på nett, kan gi opptil tolv års fengsel. Skuldinga gjeld ei sak Ressa skreiv om ein forretningsmann i 2012.
(©NPK)
Maria Ressa er kjent for si kritiske dekning av president Rodrigo Duterte. Foto: Bullit Marquez.
