Fleire nasjonar får spele handball-VM
Frå 2021 vil talet på deltakarnasjonar i handball-VM for menn og kvinner bli auka frå 24 til 32.
Det bestemte styret i Det internasjonale handballforbundet (IHF) under eit møte i Qatars hovudstad Doha torsdag.
Avgjerda om å utvide VM har samanheng med ønsket om at fleire nasjonar skal få moglegheita til å konkurrere og få erfaring på aller høgste nivå i internasjonal landslagshandball.
Utvidinga blir gjort gjeldande frå handball-VM for menn i Egypt i 2021.
Auken frå 24 til 32 lag vil gjelde både på senior-, junior- og ungdomsnivå.
(©NPK)
