Forfølging av kristne aukar, ifølgje rapport
Om lag 245 millionar kristne blir over forfølgde heile verda, ifølgje den årlege oversikta frå den kristne organisasjonen Åpne Dører.
Nord-Korea ligg øvst på lista over dei 50 landa der det er farlegast å leve som kristen. Det blir anslått mellom 200.000 og 400.000 kristne er i arbeidsleirar, ifølgje World Watch List.
Lista som viser at forfølginga av kristne aukar, blir presentert onsdag på NLA Høgskolen i Bergen, der òg Raftostiftelsen og Den norske Helsingforskomiteen deltek.
I tillegg til Nord-Korea er det ti andre land som i 2019 blir rekna for å ha eit «ekstremt» nivå av forfølging. Organisasjonen opplyser at den statlege kontrollen aukar i mange delar av verda. Eit døme er Kina, der nye lover for religiøs verksemd tredde i kraft ved årsskifte i 2018.
Ifølgje Åpne Dører merkar dei ein ultranasjonalistisk trend der minoritetar blir sett på som forrædarar og blir pressa til å forlate trua si. Dei viser til India, og meiner regjeringa der fremmar det dei karakteriserer som eit hindufundamentalistisk syn.
I Nigeria vart over 3.700 kristne drepne i 2018, det er nesten dobbelt så mange som året før. Landet har den største delen rapporterte drap dokumentert i rapporten.
(©NPK)
