Forhandlingar om ny OL-dato i siste fase
Dei utsette olympiske leikane i Japan ser ut til å kunne bli arrangert i perioden mellom 23. juli og 8. august neste år.
Forhandlingane mellom Den internasjonale olympiske komiteen (IOC) og den japanske arrangøren om ny dato for OL i Tokyo er i ferd med å gå inn i siste fase, skriv nyheitsbyrået Reuters.
Etter at leikane i sommar vart utsette på grunn av det pågåande utbrotet av koronavirus, har forhandlingane mellom IOC og arrangøren gått føre seg for å finne ein passande periode i 2021.
Søndag melder japanske medium at meisterskapen ser ut til å bli halden mellom 23. juli og 8. august.
(©NPK)
Forhandlingane om eit utsett OL til 2021 ser ut til å nærme seg ei løysing, melder japanske medie søndag. Dermed må OL-ilden brenne eit helt år ekstra i Japan før OL i Tokyo skal gjennomførast Foto: Jae C. Hong / AP / NTB scanpix
