Frp-nestleiarane: Samarbeidet med Venstre og KrF øydela
Det er ikkje aktuelt for Framstegspartiet å inngå nye, bindande avtalar med Venstre og KrF, seier nestleiarane i partiet.
– Frå 2013–2017 treivst vi veldig godt i regjering og fekk synleggjort forskjellen mellom oss og Venstre og KrF. Men då dei to kom inn i regjering vart alle kompromissa vanskelege, seier andre nestleiar Terje Søviknes til VG.
Venstre gjekk inn i regjeringa i januar 2018, medan KrF gjekk inn eitt år seinare. I januar 2020 forlét Frp regjeringskontora etter at regjeringa hadde henta heim ei terrorsikta IS-kvinne frå Syria.
Første nestleiar Ketil Solvik-Olsen seier han framleis håpar på ny regjeringsdeltaking etter valet, men at det denne gongen ikkje vil vere aktuelt med nokon bindande avtalar.
– Det blir ingen nye bindande avtalar der vi forhandlar vekk standpunkta våre. Det vart oppfatta som ei tvangsgreie, seier Solvik-Olsen til VG.
(©NPK)
Terje Søviknes er på plass på Framstegspartiets valvake på Hotel Bristol. Foto: Terje Pedersen / NTB
