Ghana-trenaren sluttar etter VM-exiten
Otto Addo gir seg som trenar for det ghanesiske landslaget etter 0-2-nederlaget for Uruguay. Resultatet sende afrikanarane ut av fotball-VM.
Addo seier at det var klart allereie før meisterskapen at han kom til å slutte som Ghana-sjef. 47-åringen har hatt rolla i tillegg til ein jobb i den tyske klubben Borussia Dortmunds ungdomsavdeling.
– Eg hadde bestemt meg for å slutt etter VM. Familien min og eg ser framtida vår i Tyskland. Eg liker jobben min i Dortmund, sa Addo etter tapet fredag.
– Sjølv om vi hadde vorte verdsmeistrar, hadde eg slutta, la han til.
Addo tok over det ghanesiske landslaget så seint som i februar.
(©NPK)
Otto Addo gir seg som Ghana-trener. Foto: Luca Bruno / AP / NTB
