Hovudindeksen i minus på den siste børsdagen i veka
Oslo Børs gjekk ned med 1,2 prosent fredag etter at fleire av tungvektarane gjekk i minus. I alt enda likevel veka i pluss.
Hovudindeksen på Oslo Børs enda fredag på 796,77 poeng.
Nedgang hos tungvektarar som Equinor (-4,6 prosent), Yara (-3 prosent) og Aker BP (-5,4 prosent) bidrog til nedgangen på børsen.
Dei same fire aksjane var òg mest omsett fredag. I alt vart det omsett aksjar for 9,3 milliardar kroner på siste børsdag.
Ved børsslutt fredag vart eit fat nordsjøolje omsett for 35,57 dollar. Det er 58 cent meir enn ved børsopning, og 32 cent meir enn då børsen opna måndag.
For veka i heilskap enda hovudindeksen på Oslo Børs med ein oppgang på 0,9 prosent.
I Europa var det nedgang på alle dei viktigaste børsane fredag. DAX 30 i Frankfurt gjekk ned 1,6 prosent, FTSE 100 i London gjekk ned 2,2 prosent, og CAC 40 i Paris enda ned 1,5 prosent.
Også i USA er det raude tal på børsane. I 17.10-tida norsk tid er den breie S&P-indeksen ned 0,6 prosent, den teknologitunge Nasdaq ned 0,2 prosent og industriindeksen Dow Jones er ned 0,8 prosent.
(©NPK)
Oslo Børs enda ned fredag. Foto: Håkon Mosvold Larsen / NTB scanpix
