Oljeprishopp førte Oslo Børs opp
Hovudindeksen på Oslo Børs enda på 844,15 poeng, ein oppgang på 2,20 prosent.
Årsaka er at Opec, Russland og andre land vart einige om kutt i oljeproduksjonen. Til saman er det bestemt eit kutt på 1,2 millionar fat per dag.
Det førte til at oljeprisen steig kraftig. Etter børsslutt fredag hadde prisen på eit fat nordsjøolje stige med 4,60 prosent og vart omsett for 62,99 dollar.
Ringverknadene nådde òg raskt Oslo Børs, som gjorde eit kraftig byks.
Tungvektaren Equinor var endå ein gong den meste omsette aksjen, og steig heile 3,20 prosent. Deretter følgde DNB (+1,72 prosent), Aker BP (+6,49 prosent), Marine Harvest (+0,89), Norsk Hydro (+1,59 prosent) og Subsea 7 (+4,83 prosent) på dei neste plassane.
Dei 25 mest likvide aksjane på børsen enda alle med grøne tal, med unntak av Bakkafrost som gjekk litt ned med 0,36 prosent.
Utviklinga på dei leiande børsane i Europa var òg positiv gjennom dagen. DAX 30-indeksen i Frankfurt auka med 0,45 prosent, mens FTSE i London hadde ein auke på 1,81 prosent. CAC 40 i Paris gjekk opp 1,45 prosent.
(©NPK)
Hovudindeksen på Oslo Børs enda dagen på 844,15 poeng, ein oppgang på 2,20 prosent.
Foto: Paul Kleiven / NTB scanpix
