Kronprinsen i digitalt møte med skuleklassar for å markere FN-dagen
Laurdag er det FN-dagen. Markeringa i år blir noko spesiell sidan det i år òg er 75 år sidan FN vart grunnlagt. Kronprins Haakon tjuvstarta feiringa fredag.
I samband med markeringa av dagen deltok Kronprins Haakon fredag på ei digital sending, som over 1.500 skuleklassar frå heile landet deltok på.
Også statsminister Erna Solberg (H) og stortingspresident Tone Wilhelmsen Trøen (H) deltok på sendingane som var fordelte utover dagen.
Kronprins Haakon var på pletten allereie frå klokka ni på morgonen, då den første sendinga starta frå Litteraturhuset i Oslo. Over 1.000 klassar over heile landet med elevar frå 5 til 7. trinn deltok på Zoom-sendinga med å konkurrere klassevis i ein Kahoot-kviss.
I dei seinare sendingane for ungdomsskulen og vidaregåande, deltok Kronprins Haakon ved at han stilte eitt av spørsmåla i Kahoot-kvissen.
Gjennom dagen var det totalt 37 000 elevar som fekk bryne seg på FN-Kahooten, som vart vunne av ein klasse frå Flekkerøy.
(©NPK)
Kronprins Haakon på Litteraturhuset under den digitale markeringa av FNs 75-årsmarkering fredag. Oslo ordførar Marianne Borgen og generalsekretær i FN-sambandet, Anne Cath da Silva i bakgrunnen.
Foto: Terje Bendiksby / NTB
Kronprins Haakon på Litteraturhuset under den digitale markeringa av FNs 75-årsmarkering fredag. Sendinga blei sendt over Zoom til 37.000 skuleelevar over heile landet.
Foto: Terje Bendiksby / NTB
