Kvadratmeterprisen på fjellhytter har auka med 15 prosent det siste året
Kvadratmeterprisen for fjellhytter er auka 15 prosent frå same periode i fjor, og det er færre hytter på marknaden no enn då.
Prognosesenteret opplyser til Dagens Næringsliv at gjennomsnittsprisen for fjellhytter så langt i år er 3,4 millionar kroner, 10 prosent høgare enn i fjor. Gjennomsnittleg kvadratmeterpris er auka med 15 prosent.
Eigedommane som blir rekna, ligg 800 meter eller meir over havet og dei omfattar både nye og brukte hytter. Sistnemnde utgjer ein del på 85 prosent.
På Finn er det lagt ut fire prosent fleire fritidsbustader så langt i år, samanlikna med same periode i fjor. Det var starten på året som bidrog til veksten. I september i år er det 26 prosent færre nye annonsar enn på same tid i fjor.
(©NPK)
I september i år er det lagt ut 26 prosent færre nye annonsar enn på same tid i fjor. Foto: Erik Johansen / NTB
