Lagarde formelt utnemnt som EUs sentralbanksjef
EU-rådet har formelt utnemnt Christine Lagarde til ny president i Den europeiske sentralbanken.
Lagarde overtar etter Mario Draghi 1. november. Toppjobben er eit åremål på seks år utan moglegheit for forlenging.
Den franske juristen kjem frå jobben som leiar for Det internasjonale pengefondet og blir den første kvinnelege sjefen for Den europeiske sentralbanken ESB.
EU-rådet tilrådde Lagarde i jobben i juni då leiarkabalen for dei kommande åra i EU vart lagt. Deretter har EU-parlamentet og ESB gitt si tilslutning, og på toppmøtet som går føre seg i Brussel denne veka, gjorde medlemslanda den formelle utnemninga.
(©NPK)
Det har vore klart lenge, men fredag vart det formelt bestemt at Christine Lagarde skal leie Den europeiske sentralbanken dei neste seks åra. Arkivfoto: Mark Lennihan / AP / NTB scanpix
