Lærdalstunnelen blir oppgradert – nattestengt i fire år
Lærdalstunnelen skal etter planen haldast stengt kvar natt mellom 22 og 06 i fire år frå 2023. Arbeidet med å oppgradere han startar i 2022.
Det tek etter planen fem år å oppgradere den lengste tunnelen i verda, og i fire av dei blir Lærdalstunnelen halden heilt stengd nattetid, skriv Sogn Avis. Berre utrykkingstrafikk kan få sleppe igjennom, viss arbeidet tillèt det,
Det handlar om ei full oppgradering av den 24,5 kilometer lange tunnelen. Kostnadene vil liggje på mellom 40.000 og 100.00 kroner per kilometer.
– Vi skal skifte ut alle lys, ventilatorar, nødstasjonar, lage nye 90 meter lange havarinisjar og vi skal inn med 19 nye tekniske bygg som skal plasserast i 40 meter djupe nisjar sprengt ut på tvers av køyreretninga, seier prosjektleiar Rune B. Sandven i Statens vegvesen til lokalavisa
(©NPK)
Det er behov for mykje nytt utstyr i verdas lengste tunnel. Det kjem til å ta fem år å oppgradere den.
Foto: Marit Hommedal / NTB scanpix
