Listhaug valt til parlamentarisk leiar i Frp
Stortingsgruppa til Framstegspartiet valde onsdag ettermiddag den nye partileiaren sin Sylvi Listhaug til parlamentarisk leiar.
Listhaug vart i helga valt til ny partileiar og overtek no òg vervet som parlamentarisk leiar etter Siv Jensen.
– No startar den viktige jobben fram mot valet. Framstegspartiet skal vere det blå alternativet med hjarte for vanlege folk, seier Listhaug i ei pressemelding.
Ho trekker fram at partiet vil jobbe for eit kraftig løft for sjuke, barn og unge når Stortinget skal vedta revidert budsjett.
Hans Andreas Limi vart i møtet i Frps stortingsgruppe valt til ny første nestleiar i stortingsgruppa, medan Bård Hoksrud vart vald til andre nestleiar.
Limi overtek som ein konsekvens av valet som Framstegspartiets finanspolitiske talsperson.
EMBED START Image Nyvalt Frp-leiar Sylvi Listhaug er no òg den parlamentariske leiaren av partiet i Stortinget.
Foto: Stian Lysberg Solum / NTB EMBED END Image(©NPK)
