Mæland oppmodar til noregsferie i sommar
Justisminister Monica Mæland (H) trur ikkje det kjem mange utanlandske turistar til Noreg i sommar og oppmodar nordmenn til å feriere i eige land.
– Viss eg skal vere heilt ærleg, så trur eg ikkje det blir noko stor turisme denne sommaren, sa Mæland under ein digital spørjetime søndag ettermiddag.
Ho understreka at det er umogleg å vite om situasjonen er uendra om eit par månader, men at det ikkje verkar veldig sannsynleg.
– Difor har vi jo òg desse redningspakka for små, mellomstore og store bedrifter som skal hjelpe flest mogleg gjennom denne vanskelege situasjonen, sa ho.
Ho påpeika samtidig at nordmenn bør planlegge noregsferie i sommar.
– Kanskje vi kan bruke tida og pengane våre til å oppleve litt i vårt eige land og samtidig hjelpe turistnæringa slik at flest mogleg overlever, sa Mæland, som røpa at ho legg sommarferien sin til Sørlandet.
(©NPK)
Justisminister Monica Mæland (H) tror turistane uteblir i Noreg i sommer, og ho oppmodar nordmenn om å feriere i sitt eige land. På biletet er Trolltunga i Skjeggedal. Foto: Tore Meek / NTB scanpix
