Mange OL-vinnarar vart heime: «Nye» Frankrike ventar Sagosen og co.
Handballpublikummet får ikkje sjå så mange ferske OL-meistrar når Noreg, Frankrike og Danmark møtest i helga.
– 70 prosent av troppen vår er ny samanlikna med OL, seier Frankrikes pressesjef Hubert Gueriou til NTB.
Somme franske spelarar har lagt opp etter Tokyo-gullet. Fleire andre er innvilga fri frå turneringa i Trondheim. Frankrike slo Danmark 25-23 i OL-finalen i august.
Noregs første kamp i turneringa som går føre seg enda med 28-31-tap mot Danmark.
Nederland og Frankrike ventar det norske laget laurdag og søndag. Laurdag møtest Danmark og Frankrike.
Noreg slo Frankrike i OLs hovudrunde. På det tidspunktet var franskmennene allereie sikra avansement til kvartfinalen. Noreg enda på sjuandeplass i OL etter tap i første utslagsrunde.
(©NPK)
Noregs Sander Sagosen og Frankrikes Valentin Porte møtest i Trondheim søndag. Her frå OL-kampen i sommar. Foto: Stian Lysberg Solum / NTB