Mari Eide har lagt opp
Langrennsløparen Mari Eide gjorde det torsdag heilt klart at ho er ferdig med skikarrieren på toppnivå.
Det avslørte 31-åringen då ho var gjest under NRKs VM-sending. Eide ventar barn med sambuar Anders Gløersen, og ho sa at livet tek ei ny vending med ny jobb, slik ho òg fortalde til Aftenposten tidlegare denne veka.
Eide tok VM-bronse på sprinten for to år sidan, og ho fekk òg med seg ein verdscupsiger i karrieren. Den kom i Düsseldorf i 2011 på lagsprint saman med VM-aktuelle Maiken Caspersen Falla.
(©NPK)
Mari Eide har avslutta skikarrieren. Foto: Terje Pedersen / NTB
