Milliongebyr til Telenor
Telenor er gitt 15 millionar kroner i straffegebyr for brot på ikkje-diskrimineringsforpliktinga knytt til leveransar til ulike kundegrupper.
Formelt sett gjeld gebyret «brudd på ikke-diskrimineringsforpliktelsen i grossistmarkedet for lokal tilgang til faste aksessnett», skriv Nasjonal kommunikasjonsmyndigheit (Nkom).
Det inneber at Telenors eiga sluttbrukarverksemd har opplevd ein meir presis leveranse enn eksterne tilgangskjøparar av fysisk tilgang til Telenors aksessnett.
– At ein betydeleg lågare del av tilgangskjøparars ordre blir levert på avtalt dato, samanlikna med Telenors eigne leveringar, verkar etter Nkoms vurdering som ei openberr konkurranseulempe for tilgangskjøparane, seier leiar Hans Jørgen Enger i Nkoms konkurranseavdeling.
(©NPK)
