Mistenkjeleg gjenstand funnen i Malmö – bombegruppe er på plass
Ein mistenkjeleg gjenstand er funnen i ein frisørsalong på Möllevångsgatan i Malmö, opplyser svensk politi. Ei bombegruppe er på staden.
I tillegg har politiet sperra av området.
– Vi ventar på vurderinga til bombegruppa. Dei går først og fremst inn og vurderer kva det er og korleis ein best kan handtere gjenstanden. På dette tidspunktet må vi rekne med at det kan vere ein trussel, men vi veit ikkje sikkert, seier Kim Hild, talsperson for politiet.
Politiet vil førebels ikkje kommentere hendinga ytterlegare.
(©NPK)
