Nesten uendra på Oslo Børs

I alt vart det omsett aksjar for 4,2 milliardar kroner gjennom dagen.

Equinor vart igjen mest omsett, med handlar for 328 millionar kroner. Kursen enda svakt ned med 0,1 prosent.

Den soleklare vinnar vart solenergiselskapet Rec Silicon som gjekk opp 21,2 prosent. Det skjer etter at selskapet i slutten av førre veke offentleggjorde at dei vurderer å gjenopne anlegg i Moses Lake i USA.

Det farmasøytiske selskapet Vistin Pharma frå Kragerø vart den største taparen med ein nedgang på 6,8 prosent.

I Europa vart det ein svak oppgang på dei største børsane. DAX-indeksen i Frankfurt gjekk opp med 0,3 prosent, CAC 40 i Paris gjekk opp med 0,2 prosent, medan FTSE 100 i London steig med 0,4 prosent.

Dei amerikanske børsane var stengde måndag i samband med President's Day.

Eit fat nordsjøolje vart måndag ettermiddag selt for 57,21 dollar, ein nedgang på 0,2 prosent gjennom dagen.

(©NPK)

Oslo Børs gjekk litt ned måndag. Foto: Håkon Mosvold Larsen / NTB scanpix